|
28-
11-
2007
袁詠儀做「孟母」唔慌教出招積仔
示範珠寶賺幾個月奶粉錢
|
朱茵、李彩華（阿Rain）、吳佩慈、鍾麗緹、袁詠儀（靚靚）等昨日前往澳門出席於威尼斯人酒店舉行的珠寶示範活動，當中以酥胸半露的朱茵最性感，吳佩慈則主持點睛儀式，做了母親的靚靚與鍾麗緹都十分密實；阿Rain十分識做，再三出場騷鑽飾，七位數字酬勞袋袋平安！＜採訪、攝影＞史丹利
|
活動於三個不同地點舉行，第一場阿Rain與其他女模先示範珠寶，朱茵擔任壓軸嘉賓，但卻遲遲未見蹤影，廿分鐘後才出現；阿Rain要再三出場，被高層大讚乖巧。她笑謂：「我哋係專業嘛。」又表示十分鍾意鑽石，希望有人送贈，自嘲沒有賭運的她，寧願買寶石更保值。朱茵前晚已赴澳門試戴珠寶，更解釋自己一直在房中等候，但安排上的自己控制不了，笑言食死貓不會影響心情，對酬勞也十分滿意。
鍾麗緹打扮密實試珠寶，因這次佩戴的鑽飾較為成熟，認為高貴亦可以性感，，又獲贈價值11萬的珠寶。目前她仍然以內地發展為主，因內地的市場較大、機會亦比香港多。她組成的「女神」樂隊即將推出大碟，本身亦十分期待。
最後一場由吳佩慈與靚靚任嘉賓，靚靚笑言這次酬勞足夠仔仔飲幾個月奶粉，又指珠寶是女人的最愛：「女仔初時話唔要，最後咪都係要，我都有收藏鑽飾，都係一兩卡啫。」早前被拍到為愛兒入讀名校搬屋，她坦言現時做任何事都是為了仔仔：「唔知佢讀唔讀到書，最緊要係開心，我見到有啲小朋友讀書好叻但好招積，無禮貌。」小時候自己是招積得來有禮貌，不會寵壞仔仔，供完他讀完書就與老公環遊世界。吳佩慈透露從未接受過男性的鑽飾，反而有女性送鑽飾給她；雖然現在有拍拖，但從未想過結婚，這仍是很遙遠的事。
2004 Sing Pao Newspaper Co. Ltd. All rights reserved. 成報報刊有限公司 版權所有 不得轉載
| 
即日相關新聞