|
06-
11-
2007
Stephy獲學友打氣感動落淚
放下玉女形象性感開演唱會
|
鄧麗欣（Stephy）被力捧為金牌一姐，將於12月7至9日於九龍灣國際展貿中心Star Hall舉行三場首次個人演唱會，Stephy亦罕有地放下玉女形象，以性感示人。在昨日的記者會上，Stephy亦以大露背短裙裝上陣，再佩戴過百萬鑽飾，頓時增添不少成熟風韻。＜採訪、攝影＞丘紅
|
在記者會上，除了宣布信用卡預售門券外，她的唱片公司還送上一份大禮給她，Paco拿出一個水晶盒，然後與她一齊按鈕，並播出一段她的偶像張學友錄下的片段，學友說：「我都見過Stephy，啲人話我知我係你偶像，其實鍾意得我都係鍾意我啲歌，鍾意我啲歌就一定鍾意唱歌，鍾意唱歌嘅人最開心係可以開演唱會，恭喜你，亦希望你嘅演唱會順利，盡情享受個演唱會啦！」偶像的窩心鼓勵，令Stephy忍不住感動落淚。事後她說：「我知佢好忙，想請佢做演唱會嘉賓根本係奢望，佢肯錄番Video已經好開心啦！」至於演唱會嘉賓，就會邀請方力申，問到會否邀請傳不和的Theresa？她立即說：「我會請佢嚟睇。」
否認趕絕Theresa
作為在Star Hall最年輕的歌手開個唱，她坦言十分緊張，亦不想令大家失望，如今一有時間便會去跑步練氣。問到她是否會在個唱中穿透視裝？她笑說要賣關子，但為配合新歌《看透》亦會以性感示人，昨日的服飾她亦黐了半個小時膠紙才敢見人。
有傳聞指Stephy趕絕Theresa，連《翡翠歌星賀台慶》亦是只得她的份。她謂：「完全唔關事。」金牌發言人就指是公司安排，她亦謂：「係公司安排啫！公司對人人都好，唔會側重邊個。」說到屢傳不和，兩人是否沒有聯絡？她就謂：「咁我哋各有各忙，我同其他人都少咗聯絡，有時連媽咪電話都聽唔到。」那她個唱行性感是否挑戰對方？「咁我第一次演唱會，以前畀人話密實得滯，咁點都要露吓。」
2004 Sing Pao Newspaper Co. Ltd. All rights reserved. 成報報刊有限公司 版權所有 不得轉載
| 
即日相關新聞