|
03-
11-
2007
馬浚偉怡保拉票歎盡美食
憑《鐵血保鑣》角逐大馬視帝
|
馬浚偉、黎耀祥及伍詠薇日前應馬來西亞華麗台邀請赴怡保，為該電視台在明年1月舉辦之「2007電視劇大獎」進行拉票活動，馬仔憑《鐵血保鑣》角逐最佳男主角獎。
|
此劇在港播映時曾創下最高42點收視紀錄，馬仔並憑此奪得「06年我最喜愛男角色獎」，對今次攞獎亦甚有信心︰「我唔會有壓力，今次嚟拉票，睇到觀眾對我熱情嘅支持，已好開心。」他已有幾年沒有到怡保亮相，當地觀眾見到他興奮又熱情。逗留三日，他們要到七個宣傳點及兩個記者會，馬仔卻不感疲勞，「觀眾好熱情，每個宣傳點都來支持，更不停用廣東話講︰『你演戲好好睇，我哋好鍾意你！』。」他在與Fans在台上玩遊戲、齊練瑜伽及鬥演技，極之投入。
祥仔伍姑娘送驚喜蛋糕
黎耀祥及伍詠薇知道馬仔10月底生日，有一晚吃過晚飯，在沒有心理準備下，突然送上生日蛋糕予壽星仔驚喜，「好感謝祥仔同伍姑娘，喺無綫咁多年，好開心識咗佢哋，尤其係祥仔，人好演技更好，喺佢身上我學咗好多嘢。」
最令馬仔開心的，是在當地受到盛情招待，電視台的工作人員每天都帶他們嘗試不同的美食，「芽菜雞、魚蛋都好好味，啲魚蛋彈力之強，可以跌落地後反彈，大如乒乓波；仲有龍蝦伊麵、喺舊街歎咖啡，真係美食之旅。」
2004 Sing Pao Newspaper Co. Ltd. All rights reserved. 成報報刊有限公司 版權所有 不得轉載
| 
即日相關新聞