|
03-
11-
2007
千嬅：證明我唔係賣剩蔗
三角緋聞被志偉取笑為「食家」
|
將於今天隆重舉行的《翡翠歌星賀台慶》，昨日所有參與歌手出席拜神儀式及作最後總綵排，出席者包括譚詠麟、杜麗莎、曾志偉、鄭裕玲、楊千嬅、古巨基、容祖兒及陳百祥等等。近日備受緋聞困擾，與丁子高及古天樂傳戀情的楊千嬅，甫進廠準備拜神時，即被志偉取笑道：「乜你原來係食家？睇唔出你咁識食喎！」千嬅只有狂笑應對，更彈開志偉九丈遠，不讓志偉有機可乘。＜採訪、攝影＞達里
|
容光煥發的楊千嬅抵達電視城，現場記者即恭喜她有新戀情，她說：「恭喜乜嘢？我希望我的桃花在工作同Fans身上，其實每年都有呢啲新聞，起碼有緋聞都證明我唔係賣剩蔗。」千嬅直言，在此行打滾多年，所有新聞對她都是過眼雲煙。問她是否恨有拖拍？她說：「要有的自然會同大家講，近排好多朋友關心我，真係好感動。」
累丁子高被起底感抱歉
對於丁子高被周刊起底一事，千嬅說：「真係抱歉，作為我的朋友要壯烈犧牲，我又唔係獵物，唔會畀人千到我。」有指千嬅身邊的朋友都怕她被騙，她說：「我又無身材，最大就係個頭，充滿智慧。」至於千嬅是否很心急再拍拖？她答道：「我自己唔心急。（父母有否催婚？）媽咪都知我性格，緋聞我控制唔到，我的立場都係無法子，當係人生的一個點綴。
曾志偉日前在演藝人協會派對中問王賢誌的爛面扮相是否代表TVB，他昨日解釋只是搞氣氛。問到有否收看王賢誌做司儀的亞姐決賽？他說：「我唔係香港無睇到，我自己都做過亞姐司儀，就係因為做得好，無綫先撬我過嚟做。」
此外，台上切燒豬時，首次做《翡》的關菊英即站在前排，與阿倫、嘟嘟等同排，嘟嘟即笑道：「我哋跟年紀排的。」問到阿倫送甚麼禮物給李克勤的BB，他說：「做緊，我設計了一個翡翠鑽石小王子，有鑽石皇冠同埋拿咪造型，用翡翠就同TVB血脈相承。」
2004 Sing Pao Newspaper Co. Ltd. All rights reserved. 成報報刊有限公司 版權所有 不得轉載
| 
即日相關新聞