|
28-
10-
2007
城城生日與熊黛林通宵慶祝
直認係「傾得埋嘅朋友」
|
郭富城於大前晚（25日）在家中舉行42歲生日派對，還大方承認同緋聞女友熊黛林（Lynn）慶祝至天光，正當大家以為城城趁着「牛一」大喜日子公開戀情之際，他卻認真表明與Lynn只是「傾得埋嘅朋友」！＜採訪＞寶寶＜攝影＞吳國明
|
問到Lynn送甚麼禮物？城城故作神秘謂：「送乜都唔講，亦唔使公開。（係咪好冧？）今年生日同以往比較特別啲。（有冇Birthday Kiss？）好多人錫我喎！（Lynn都有？）……唔係大家想像中咁嘅朋友關係，總之當晚嚟同自己慶祝嘅都好Friend。」會否考慮在生日公開戀情？城城叮囑大家不要再在這話題上兜兜轉轉，更強調一直以來只專注在工作上。
有異性朋友好正常
日前Lynn親口承認刻意告假陪他共度生日，城城聽罷即流露出甜笑謂：「唔好咁誇張！」談到生日願望，他希望身體健康，被問到愛情方面不渴求嗎？他說：「始終工作第一，之後係家庭。（愛情呢？）有異性朋友係正常。（親密那種喎？）個個暗戀我咪死？冇乜特別印象……Lynn係傾得埋嘅朋友……（唯一一個？）係其中一個。」
城城在11月的個唱，前日開售加場門票，於十五分鐘內迅即售罄，他表現得很開心，但礙於紅館檔期很緊逼，已無法再加場，現正考慮在西九龍於12月啟用的露天場地加場。問他會否每場預留門票予Lynn？他無奈稱：「連朋友都冇飛呀！唔係無情，真係無辦法。」
2004 Sing Pao Newspaper Co. Ltd. All rights reserved. 成報報刊有限公司 版權所有 不得轉載
| 
即日相關新聞