|
19-
10-
2007
郭品超唔想拍拖否認追蔡淑臻
鄭元暢被Fans熱情嚇一跳
|
中環蘭桂坊高級會所QLUB QUBE前晚舉行開幕活動，邀請一眾名人紅星包括台灣人氣偶像鄭元暢、郭品超、名模姚采穎、蔡淑臻、鈴木仁、施念慈等撐場；更有半百Fans於門外等候，不斷呼叫鄭元暢與郭品超的名字，場面一度混亂。＜採訪、攝影＞瑞輝
|
第二次來港的鄭元暢，給Fans的熱情嚇了一跳：「我第一次嚟已有好多Fans，但估唔到今次喺街度都咁犀利，仲以為係自己嘅戲首映添！（有否打算同Fans搞聚會？）喺上海、台北同日本都搞過，我覺得要搞就要認真同揀特別日子先有意思，不過今年都無乜時間，留番出年先搞，唔想香港Fans失望。」他剛拍完《惡作劇之吻2》，會在上海播映，香港則因版權問題暫未知播映時間。
與蔡淑臻一同出現的郭品超，更手攬對方纖腰合照，據聞由於兩人同在一健身中心做運動，因志趣相投而開始拍拖。被問到可有興趣追求蔡淑臻？郭品超笑言：「我話想或者唔想，你哋都講晒；我同佢讀書時已識，佢亦係我入行第一個好拍檔，大家一直相處都好好；不過我現時覺得自己一個人都幾好，所以唔想拍拖住。」
鈴木仁待姚采穎如妹妹
日前鈴木仁被記者撞破於中環置地廣場和姚采穎High Tea互餵，鈴木仁向記者解畫：「嗰日係咁啱咋！我哋喺台灣成日都會約埋去玩，我同佢公司嘅林嘉綺都好熟㗎！（聽日會同姚采穎去邊度玩？）上山頂或者其他地方，哈！可能會再去置地！（你唔怕會傳緋聞？）都唔會怕喇，做呢行慣咗！」身穿透視豹紋Bra的姚采穎則表示鈴木仁待自己如妹妹：「我來過香港幾次，但經常都會迷路，有佢喺身邊會好好多！」
2004 Sing Pao Newspaper Co. Ltd. All rights reserved. 成報報刊有限公司 版權所有 不得轉載
| 
即日相關新聞