|
19-
10-
2007
阿倫出動呂方執嘟姐家法攞彩
孫耀威舞動下身猴擒鄧穎芝
|
為慶祝無綫40周年台慶，今年再度舉辦《翡翠歌星賀台慶》，邀請全城人氣歌手參與歌舞演出。一如往年，男女歌手將分隊作賽，男、女歌星隊分別由曾志偉、鄭裕玲擔任總司令，譚詠麟和杜麗莎做總指揮官，而歌手楊千女華、容祖兒、許志安及古巨基則擔任指揮官。＜採訪＞達里 ＜攝影＞史丹尼
|
昨日大會舉行盛大記者會公布節目詳情，新一代歌手全數出席，反而多位指揮官未能抽空到場，只有容祖兒一位指揮官出席。連見慣大場面的嘟姐，面對大批樂壇生力軍，也自嘆道：「實不相瞞，我好多都唔識，不過都有阿倫墊底。」
記者會上，男女歌星隊先行跳舞比賽熱身，打頭陣由孫耀威與鄧穎芝出場，只見孫耀威不斷用下身撞向對方，害得鄧穎芝在台上慌忙閃避。嘟姐也看不過眼說：「好核突，乜咁猴擒。」阿倫也說：「唔好將閒時的動作做出來，我都唔幫你，不過都有人性。」之後，輪到祖兒與阿叻出場，當點名祖兒時阿叻說：「叫佢出來佢咪死得？睇佢幾驚。」由於阿倫在台上不時說笑，嘟姐也看不過眼罵他「以下犯上」，阿倫即背着嘟姐說：「我叫呂方拿家法出來，大家咪以為嘟姐在出面也文也武，佢返到屋企就叩頭叩到咚咚聲。」
劉浩龍鄭融擺上枱跳舞
接着阿倫又大玩緋聞男女劉浩龍與鄭融，笑指他們早有準備來跳舞，之後又取笑二人組合農夫不會跳舞，只會耕田，叫女歌手隊選人出來扮「大塊田」，讓農夫去耕田，令人笑不攏嘴。
事後問到孫耀威用下身撞鄧穎芝，他說：「我無撞到佢，大家唔好心邪，其實舞步好普通，我覺得穎芝係玩得之人，如果真係嚇親佢我會同佢講唔好意思。」鄧穎芝也坦言被孫耀威的舉動嚇倒，她說：「因為係慢音樂，估唔到佢咁跳，佢無撞親我，不過佢下身上面條皮帶就撞到我。」
緋聞男女劉浩龍與鄭融，點名時劉浩龍躲在其他歌手中，事後他說：「我真係好少同鄭融一齊做嘢，自己跳舞又唔叻，有點唔慣。我尷尬面紅都係因為自己唔識跳舞，跳到好似機械人。」鄭融也表示事前不知道要跳舞，問到會否介意拿她與劉浩龍開玩笑，她說：「唔會，平時做嘢都會跳舞，可能佢唔識跳舞啦。」
容祖兒平常心等住攞獎
今年《翡翠歌星賀台慶》未見李克勤蹤影，問到阿倫是否因為克勤要陪待產的太太，阿倫說：「我唔知喎，我就一早應承做隊長。佢又講過但我唔係好記得，我同佢講有事千祈唔好同我講，萬一洩露出去就引起麻煩。」另外，提到陳慧琳不續約無綫一事，阿倫說：「圈中離離合合的事好平常，大家各取所需，Kelly有實力底子厚，唔怕啦。」容祖兒今年再獲女歌手獎呼聲甚高，她回應道：「好，不過未到最後一刻都唔知，自己都係平常心，臨近頒獎禮日子，傳聞會愈來愈多，我都係投入唱歌，獎項係大人遊戲，唔會畀自己大壓力。」
2004 Sing Pao Newspaper Co. Ltd. All rights reserved. 成報報刊有限公司 版權所有 不得轉載
| 
即日相關新聞